hanep na experience

naalala ko lang ung isang experience ko nung mga unang araw ko sa college at d2 sa mendiola. nagtataka ako kung bakit ngaun ko lang ito naisipang ilagay dito.

July. madilim ang kalangitan na parang may panganib. malamig ang hangin na parang sumasalubong sa katapusan ng buhay ko. ito ang araw bago ang prelim exam namin ni Jawo. hindi ko alam kung bakit, pero masaya naming napagdesisyunan ni jawo na dumaan sa likod ng CEU, isang lugar na parang may kakain sau. isang lugar na parang hindi ka na makakalabas ng buhay, isang lugar na punong-puno ng batang HS na nag-aaral sa V.Mapa (isang school na subrang daming students)

sa gitna ng paglalakad ay may nakita kami ni jawo. isang grupo ng kalalakihan , kinelangan ko lang ng 0.01 second para masabing sila ay mga "ghetto homies". sila ung mga taong nakapasok sa loob ng sapatos ung pants kung pumorma. sila din ung subrang haba ng mga damit at laging naka jersey. sila ang mga homie boys!

"hahah ghetto! ulul!" sabi ko. and im really glad na hindi nila ako narinig.
"hahah! gago! gulpihin ka ng mga yan eh!" joke ni jawo.
"asa sila! baka pagsamasamahin ko sila ng mga lolo nila!" sumakay lang ako kay jawo.

nakalampas din kami sa mga ghetto boys at tuluyan nang nakalabas sa pangit na likod ng CEU. 1st street. 2nd street. 3rd street, kung nasan ang dorm na tinitirahan ni jawo.

jawo: tol, oo nga pala, may book ka ba sa history.
johnray: uu, bakit?
jawo: pahiram nmn oh, pa-photo copy ko lang. mahaba kasi ung coverage ng exam eh.
johnray: ok, daanan natin sa bahay! samahan mu ako.
jawo:ok.

tuloy sa paglalakad. 4th street. 5th street. tulay, at nakarating nadin kami sa bahay. mabilis kong kinuha ung book ko sa history at lumabas ulit sa bahay para maghanap ng xerox machine.
tuloy ulit sa paglalakad. 5th street. 4th street. 3rd street.
HOLY PAKSHET!! ANDAMI NILA!
nanadun ang mga ghetto boys!

jawo: gago, johnray ung mga ghetto oh!
ako: oo nga eh, p**** bakit kaya nand2 yang mga yan!?
jawo: gago, baka narinig ka nila kanina. todas ka!
ako: nak ng! (kabado)

hindi humihinga kaming dumaan sa 3dr street. whew! walang ginawa samin ang mga ghetto boys. pero bakit kaya sila nandun? parang may inaabangan. ngaun lang namin sila nakita sa lugar na un simula nung june. nakakapagtaka pero kelangang magpatuloy sa paglalakad. 2nd street. 1st street.
Sa Wakas!!!! XEROX MACHINE! nakakita na kami ng solusyon sa problema namin
habang nagpapa-photo copy:

"pabili nga po ng C2!" isang magandang lalaki ang bumili sa tindahan kung san kami nagpapa-xerox ni jawo. may tamang taas, laki, maputi at mukang mayaman, gwapo din xa. lamang lang ako ng konti.
pagkabili nya, umalis na xa.
makalipas ang dalawang minuto. natapos na ng tindero ang pagphoto copy sa mga notes.
lumabas nadin ako habang nagbabayad si jawo, nakita ko ulit si kuyang gwapo. pabalik xa. mukang nagmamadali.
nang biglang....

BOG!! may isang kalbong baboy na pumalo sa ulo nya gamit ang polo (pamasok sa school). akala ko kaibigan nya, pero nagkamali ako dahil pinalo pa xa ulit nit o ng isa. at isa pa. at sinundan pa ng tatlo. may sugat na sa uylo si kuya. (parang napaka lakas ni kalbong baboy noh?! kasi polo lang ung ginamit nya tapos dumugo na ung ulo). pinalo pa xa nito BOGS!!!

pumasok si kuya sa loob at tuluyan kaming nacorner. hindi ko alam kung panu, pero napasama ako sa loob! kadikit na kadikit ko lang si kuya habang ginugulpi xa. pumasok xa sa tindahang binilihan nya kanina sa pag-aakalang magiging ligtas xa sa loob pero, tulad ko, nagkamali din si kuya. dahil dun na xa tuluyang nagulpi. biglang....

ANAK NG KABAYONG BANGAG! NANJAN NA ANG MGA GHETTO BOYS!

"P***** ina mo! tigilan mu ang gerlpren ko ha!"
"p***** ina ka!!" puro ganyan ang narinig ko. walang ibang salitang lumabas sa mga bunganga nila!
ginulpi nila si kuya. hinawakan ang ulo at sabay ipinalo sa patusok na corner ng isang table. ARAY!

"aray ko. t*** ina, tama na!" sabi ng kawawang boses ni kuya.

"t*** ina ka! tigilan mu GF ko ha'" sabi na nmn ni kalbong baboy.

"oo. oo na. tama na!" nakakaawang boses ni kuya habang ginugulpi ng lampas sa sampong katao. lampas sampung katao ang sunod-sunod na sumusuntok, sumisipa at pumapalo ng upuan sa kanya. tinatamaan ako nung ibang mga banat nila. kabado na ako! baka tamaan ako ng solid!
johnray: (buong tapang) kuya tama na po! wag dito.
nakatatlong ulit ako ng biglang binigyan ako ng isa sa mga gangsters ng isang pamatay na titig.
parang automatic na sumarado and bibig ko. tiningnan ako ng masama ng isa sa kanila, akala ko isasali na nya ako. pero nagpatuloy xa sa pagbayo kay kuya. punong-puno na ng dugo ang sahig, pati ung tindero nagpakita na ng tunay nyang kulay. dabing pala xa! seryoso!

akala ko tapos na nag gulpihan ng biglang may isang lalaki na nakasuot ng vans (skating shoes) ang tumalon at binigyan si kuya ng isang mask rider kick. solid sa duguang muka ni kuya! nakakaawa, naiiyak ako. at saka sila umalis na parang walang nangyari. ung iba sa kanila nadulas na dahil sa dami ng dugo sa sahig.
nakaalis na silang lahat maliban sa pinaka unang umupak kay kuya. si kalbong baboy. nandun padin xa! andaminyang sinasabi, ang yabang nya! nandun padin ang taong animoy napaka lakas dahil napadugo nya ang ulo ni kuya gamit lang ang kanyang polo.

pero, ulit, nagkamali na naman ako. dahil bumungad sa mga mata ko ang katotohanan nung isuot ni baboy ang kanyang polo. nandun at iniwanan nya sa sahig ang isang kahoy na itinago nya gamit ang polo para hindi makita ng marami. isang kahoy na may sukat na 4x4 at may pako sa dulo! aray! ayun pala ang dahilan kung bakit dumugo ang ulo ni kuya. pagkatapos nun, tuluyan na xang umalis, naglakad lang xa! preskong-presko. parang walang nangyari. nagtetext pa nga xa eh. angasssss...
sa wakas. nakatayo nadin ang duguang si kuya. kitang-kita ang sugat nya sa ulo, nakabukas na toh, ang lakas ng tulo ng dugo nya.

"tulungan nyo ako" pula na ang buong muka ni kuya. pero walang isa man, kahit kami ni jawo, ang tumulong (siguro dahil sa na-shock ang lahat ng nakakita, lalo na akong katabi.)

"tulungan nyu naman ako! sige na!" sabi ni kuya, nakakaawa xa pero humahanga ako sa kanya dahil kalmado padin xa sa kabila ng sitwasyon. hindi xa umiyak.
naisipan na namin ni jawo na tulungan xa. binigay ni jawo ang panyo nya para mapunasan ang mga dugo sa muka ni kuya.

"halika" sabi ko kahit wala akong ideya kung bakit ko sinabi un.
"san?" sabi ni kuya. blangkong-blanko ang tingin nya sakin. parang hindi xa sakin nakatingin.

hindi ko alam ang sasabihin ko. buti na lang may sumigaw ng "tumawag kayo sa ospital"
pero biglang dumating ang mga kakilala nya at tinulungan xa. naglakad na sila. pero naiwan pading pulang-pula ang duguang sahig sa tindahan. tapos may nakita akong matandang namumulot ng nahulog na barya mula kay kuya.

ANAK NG PUTEKS INANG HANEP!
umuwi akong duguan ang damit at nag-aalala sa kalagayan ng isang taong hindi ko kilala. akala ng nanay ko ako ung nagulpi. buti na lang hindi kami nadamay ni jawo. nakaktakot na malungkot na masaya ung experience na un para sakin. kasi first time ko lang makakita ng hardcore na gulpihan at katabi pa ako nung ginugulpi. alam kong may mga ganung uri ng tao, pero hindi ko inaasahang makakakita ako ng ilan sa mga unang buwan ko sa mendiola.

golden moral lesson: wag kaung manggugulo ng girlfriend ng may girlfriend